«Иис-куус алыба» туулээхтэн аттаран тигии онлайн куен курэс

Саха Республикатын норуотун маастара, үлэ, тыыл ветерана, II Лөгөй нэһилиэгин бочуоттаах олохтооҕо Пелагея Степановна Максимова төрөөбүтэ 95 сааһын көрсө «Иис-күүс алыба» түүлээхтэн аттаран тигиигэ аһаҕас республиканскай онлайн көрүү-күрэх түмүктэннэ. Тэрийээччилэринэн буоллулар Уус-Алдан улууһун культура управленията, кииннэммит библиотека ситимэ уонна Максимова Пелагея Степановна оҕолоро. Онлайн көрүү-күрэххэ Дьокуускайтан, Бүлүүттэн, Үөһээ Бүлүүттэн, Намтан уонна Уус-Алдантан кыттыыны ыллылар. Дьүүллүүр сүбэҕэ үлэлээтилэр:

— Гоголев Александр Николаевич-Сатал Саха Республикатын народнай художнига

— Дегтярева Татьяна Гаврильевна Саха Республикатын норуотун маастара

— Бочкарева Венера Гаврильевна Пелагея Степановна Максимова кыыһа.

Дьүүллүүр сүбэ быһаарытынан кыайыылаахтар буоллулар:

1 миэстэ – Окоемов Иван Иннокентьевич (Уус-Алдан, Бороҕон бөһ.)

2 миэстэ – Федорова Анисия Гаврильевна (Дьокуускай)

3 миэстэ – Семенова Раиса Акимовна (Үөһээ Бүлүү, Сургулук бөһ.)

«Өбүгэ үгэһэ үйэлэргэ» анал аат – Бурнашева Анна Петровна (Уус-Алдан, Баатаҕай бөһ.)

«Ойуу-дьарҕаа сиик маастара» анал аат — Петрова Раиса Николаевна (Бүлүү, Бөтүҥ бөһ.)

«Алыптаах иис иэйиитэ» анал аат — Васильева Саргылана Михайловна (Уус-Алдан, Тулуна бөһ.)

«Өбүгэ үгэһин үйэтитээччи» анал аат – Бурнашева Христина Михайловна (Уус-Алдан, Кэптэни бөһ.)

«Кэрэ оһуор, сиэдэрэй сиик» анал аат – Ефимова Анна Николаевна (Уус-Алдан, Мындаба бөһ.)