МБУ "Усть-Алданское управление культуры" 👏 «Күн эйгэ» куонкурус кыайыылааҕа — Николай Нестеров
«ХОН – 2024» республикатааҕы методическай форум биир чаҕылхай тэрээһинигэр культурнай сынньалаҥы бастыҥ тэрийээччи үрдүк аатын ылан, кыайыы өрөгөйүн билэн Амма улууһуттан Николай Нестеров эҕэрдэ үтүмэнин тутта.
Иккис бириистээх миэстэни Хатастан Татьяна Окорокова ылла. Үһүс бочуоттаах миэстэҕэ «Тойон Мүрү» култуура дыбарыаһын специалиһа Александр Гоголев тигистэ.
Семен Хону кытта бииргэ методистаабыт, билигин республика араас улуустарыгар үлэлии сылдьар кыргыттар анал бириистэрин Мэҥэ Хаҥаластан Мария Владимирова ылла.
«Көрөөччү биһирэбилэ» номинация хаһаайкатынан Чурапчыттан Элеонора Дьяконова буолла.
«Күн эйгэ» куонкуруска республика талба талааннаах 9 үлэһитэ кытынна. Бэйэни билиһиннэрии, талааны көрдөрүү, бастыҥ проектарын билиһиннэрии, көрөөччүлэри сэргэхситэр оонньууну тэрийии түһүмэхтэрин аастылар, көрөөччүлэри сэргэхситтилэр.
