МБУ "Усть-Алданское управление культуры" Муус устар 15 күнүгэр улууспут култууратын эйгэтин үлэһиттэрэ Саха сирин автономията тэриллибитэ 100 сылын чэрчитинэн Аан дойдутааҕы култуура күнүн Баатаҕай нэһилиэгэр «Бэстэр» диэн ытык-мааны сиргэ тиийэн бэлиэтээтибит.
Сааскы сибиэһэй салгыҥҥа сынньаныы, үөрэн-көтөн, хамаандаларынан күрэхтэһии, бэйэ-бэйэни эҕэрдэлэһии бу бырааһынньыктааҕы күҥҥэ ыытылыннылар.
Бу тэрээһини улуус култуураҕа управлениета, улуус култууратын үлэһиттэрин профсоюһа, С.Ф. Сивцев аатынан «Түмэн» норуот айымньытын киинин коллектива (дириэктэр Людмила Романовна Готовцева) тэрийэн, иилээн-саҕалаан ыыттылар.
Тэрээһин арыллыытыгар, бырааһынньыктааҕы парадка улууспут култуураҕа управлениетын начальнига Иннокентий Иннокентьевич Аммосов, Баатаҕай нэһилиэгин баһылыга Михаил Михайлович Белолюбскай, улуустааҕы култуура профсоюһун салайааччыта Галина Владимировна Аммосова, В.В.Никифоров-Күлүмнүүр аатынан култуура Дыбарыаһын дириэктэрэ Максим Петрович Гоголев култуура үлэһиттэрин, бэтэрээннэрин эҕэрдэлээн туран аны сайын ыытыллар Саха сирин норуоттарын VIII спортивнай оонньууларын тэрээһинин күүстээхтик ылсан ыытарга ыҥырдылар.
