МБУ "Усть-Алданское управление культуры" ? Кулун тутар 16-17 күннэригэр Өймөкөөн улууһугар, аны сайын буолуохтаах республиканскай Олоҥхо ыһыаҕын научнай-практическай кэмпириэнсийэ ыытылынна.
Биһиги улууспутуттан культуура управлениятын начальнига Иннокентий Иннокентьевич Аммосов салалталаах делегация баран ситиһиилээхтик кыттан кэллэ.
Хайысхаларынан арааран доклад ааҕааччылар,маастар кылаас ыытааччылар түмсэн, олоҥхо ыһыаҕар туох саҥаны киллэриэххэ сөбүн, аныгы ыччаты олоҥхо ааҕыытыгар сыһыарыы, фольклору тарҕатыы туһунан аһаҕас кэпсэтиилэр буоллулар.
Уһун Күөл бөһүөлэгин 33 нүөмэрдээх «Чуораанчык» оҕо уһуйаанын иитээччитэ Сахаяна Ивановна Иванова — «Уһуйаан саастаах оҕолору олоҥхоҕо иитии уһуйуу» диэн теманан доклад ааҕан үгүс дьон биһирэбилин ылла.
Улуустааҕы «Олонхо дьиэтэ» этнокульуранай киин специалистара Иван Петрович Румянцев тимиринэн оҥоһууга маастар кылаас ыытта.
Ньургуйаана Владимировна Никитина — «Уус Алдан улууһун оһуохайа» диэн докладынан түөлбэ оһуохайын тарҕатыы туһунан кэпсээтэ.
Аны сайын Өймөкөөҥҥө ыытыллар Олонхо ыһыаҕар Уус Алдан улууһа үрдүк таһымҥа кыттыахтаахпыт диэн сыаллаах-соруктаах кэллибит.
