«Таҥалайдаах көнтөстөөх, түөрт түөрэм туйахтаах Күн Дьөһөгөй Айыы оҕотун симэҕэ-киэргэлэ» ат симэҕин көрүү күрэҕэр Данилова Людмила Ивановна уонна Дегтярева Татьяна Гаврильевна оҥоһуктара өрөспүүбүлүкэтээҕи Олоҥхо Ыһыаҕар II Үрдэли ылары ситистилэр. Чаппараах, кычым, лэпсэ — СӨ норуотун маастара Дегтярева Татьяна Гаврильевна. Ыҥыыр, бас быата, үүн, иҥэһэ быалара, кэһиэх, бойбуур, сөрүө бото- Данилова Людмила Ивановна, СӨ уус уран оҥоһуктарын маастара. Бэлиэтээн эттэххэ бу симэхтэр ыһыах аһыллыытыгар, 100 аттаах дьон киириитигэр туттуллубуттара. Тарбаҕар талааннаах талба маастардарбытыгар итии-истиҥ эҕэрдэ
