Бүгүн, сэтинньи 8 күнүгэр, улуус култууратын эдэр ыччаттарын отчуоттуур — быыбардыыр мунньаҕа ыытылынна. Мунньахха култуура управлениетын начальнига И. И. Аммосов, идэлээх сойуус бэрэссэдээтэлэ Г.В. Аммосова, ветеран сэбиэтиттэн А.Е. Федорова кыттыыны ыллылар. Ыччат түмсүүтүн салайааччыта Михаил Петухов 2014 сылтан ыытыллыбыт үлэ отчуотун билиһиннэрдэ. Тыл этээччилэр элбэх үлэ ыытыллан кэлбитин, ыччат араас тэрээһиннэргэ, күрэхтэргэ көхтөөхтүк, ситиһиилээхтик кыттыбытын бэлиэтээтилэр, актыыб үлэтин үчүгэйинэн сыаналаатылар. Управление начальнига И. И. Аммосов ыччат төһүү күүс буолан, култуурабыт сайдарын туһугар түмсэн, биир санаанан, саҥа көрүүнэн, сонун хамсааһыннары киллэрэн үлэлииллэригэр бэйэтин этиитин туһаайда. Михаил Андреевичка «Уус Алдан култууратын сайдыытыгар киллэрбит кылаатын иһин» бэлиэни туттарда. Ыччат түмсүүтүн бэрэссэдэтэлинэн Олоҥхо дьиэтин специалиһа Никитина Нюргуяна Владимировна биир санаанан талылынна.
Идэлээх сойуус бэрэссэдээтэлэ Г.В. Аммосова
