Ол курдук, бэс ыйын 8 күнүгэр, Олоҥхо ыһыаҕар өрөспүүбүлүкэбит араас улуустарыттан норуот талааннаахтара Баатаҕай сиригэр түмсүөхтэрэ, олоҥхо, оһуохай, тойук, дэгэрэҥ ырыа, саха таҥаһын күөн күрэстэригэр, маны сэргэ илии — атах оонньууларыгар бастыҥнары быһаарсыахтара.
Бүгүн, ыам ыйын 8 күнүгэр, улуустааҕы Олоҥхо Ассоциациятын бэрэссэдээтэлэ, улуус баһылыгын солбуйааччы Михаил Васильевич Борисов салайааччылаах тэрийэр хамыыһыйа миэстэтигэр тахсан ыһыахха бэлэмнэнии боппуруостарынан мунньах ыытан кэллэ.
