Бэһэҕээ, кулун тутар 20 күнүгэр СӨ үтүөлээх оһуохай этээччитэ Алексеева Антонина Саввична бирииһигэр Арассыыйаҕа «Норуоттар култуураларын нэһилиэстибэтин сылыгар» Саха АССР төрүттэммитэ 100 сылыгар , Дьокуускайдааҕы “Арчы дьиэтэ” духуобунай култуура киинэ төрүттэммитэ 20 сылыгар, Саха Өрөспүүбүлүкэтин “Оһуохай” айар общественнай тэрилтэтэ 35 сылыгар аналлаах Өрөспүүбүлүкэтээҕи «Ыччат оһуокайын түһүлгэтэ» күрэс буолан ааста.
Күрэххэ уопсайа 53 этээччи кытыыны ылла. Күрэх икки көрүҥҥэ арахсан ыытылынна. (17-27 саастаахтар) уонна (28-39 саастаахтар) диэн. Биһиги улууспутуттан Туяра Шергина Дүпсүн нэһилиэгэ уонна Ньургуйаана Никитина улуустааҕы олонхо дьиэтин спецалиһа кытыннылар.
Күрэх түмүгүнэн Ньургуйаана Никитина “Эҥээркэй куоластаах этээччи” анал ааты ылла. Күрэх үрдүк таһымҥа ыытылынна. Кылаан Чыпчаал ааты Аксинья Степанова (Мэҥэ-Хаҥалас) ылла. Ыччат дьоҥҥо оһуохайы сайыннарыы, түөлбэ оһуохайы көҕүлээһин диэн сыаллаах-соруктаах күрэх сыалын ситтэ. Арчы дьиэтигэр, Оһуохай түмсүүтүгэр барҕа махтал буоллун. Инникитин даҕаны оһуохай күрэхтэрэ, кыттааччылара үксүү турдуннар.
